FLEIRI SNEKKJUR OG LÚXUSSKIP TIL ÍSLANDS

20.09.2016

Fleiri snekkjur og minni lúxusskip hafa haft viðkomu á Íslandi í sumar en undan farin ár. Á annan tug snekkja hefur haft viðkomu í Reykjavík í sumar sem er talsvert meira en áður.

Með snekkjunum og minni lúxus-skemmtiferðaskipunum kemur oft mjög efnað fólk sem er í flestum tilvikum að leggja áherslu á dýpri upplifun á landinu, náttúrunni og norðurslóðum heldur en t.d. farþegar á stóru skemmtiferðaskipunum sem eru eins og fljótandi hótel.

Að okkar mati felast tækifærin í aukinni og bættri þjónustu og fjölbreyttari afþreyingu fyrir þetta fólk því það dvelur oft lengur hér á landi en farþegar skemmtiferðaskipa sem eru að stoppa að meðaltali 8-10 klukkustundir í landi. Við sjá um möguleikana m.a. í sjótengdri ferðamennsku. Það þarf auk in gæði til að sinna þessum hópi ferðamanna.

TVG-Zimsen hefur mikinn metnað og áhuga að þróa þennan hluta ferðamennsku áfram. Með gæðalausnum mun þetta auka gæði ferðaþjónustunnar á Íslandi.

Lúxussnekkja í eigu rússneska auðkýfingsins Andrey Melnichenko vakti mikla athygli bæði í Reykjavík og á Akureyri í sumar. Snekkjan er óvenjuglæsileg og er hönnuð af Philippe Starck. Einnig kom lúxussnekkjan Cloudbreak til Reykjavíkur í sumar en hún er m.a. búin þyrlupalli, heilsulind og líkamsræktarstöð. Þá hefur glæsisnekkja Paul Allen, eins af stofnendum Microsoft verið tíður gestur á Íslandi undan farin ár.

Fleiri glæsisnekkjur hafa sést í höfnum hér á landi í sumar. Þá hafa tvö lúxus-skemmtiferðaskip, L’Austral og Le Boreal, siglt hringinn í kring um Ísland í sumar. Hvort skip fyrir sig hefur farið fimm ferðir í kringum landið og haft viðkomu í fimm höfnum.

Til baka í yfirlit